Kuna aina nyingi ya vinywaji unavyoweza kuandaa kwa urahisi nyumbani ikiwemo mojito ya tikiti maji.

• Vinywaji hivyo ni pamoja na mojito ya tikitimaji, chai ya tangawizi pamoja na chai ya barafu yenye chungwa. 

---

Umepanga kuandaa kinywaji gani kwa ajili ya wapendwa wako msimu huu wa sikukuu?

Kwa baadhi ya familia huenda soda au vilevi ikawa ndio suluhisho la harakaharaka wanaloweza kuwa nalo pale wanapohitaji vinywaji.

Lakini ukweli ni kwamba kuna aina nyingi ya vinywaji unavyoweza kuandaa kwa urahisi nyumbani ikiwemo mojito ya tikiti maji.

Mbali na tunda la tikitimaji kuvutia wengi lakini pia linaweza kuandaa aina nyingi za juisi ikiwemo mojito yenye faida nyingi katika mwili wa binadamu..

Kuna aina nyingi ya vinywaji unavyoweza kuandaa kwa urahisi nyumbani ikiwemo mojito ya tikiti maji.Picha| Caroline Cooking.

Ili upate kinywaji hiki utahitaji kutumia tikiti maji, soda ya sprite, majani ya nana wengine huita mints, malimao, chumvi kidogo, sukari pamoja na barafu.

Mojito ya limao na nana (mints)

Kinywaji hiki unaweza kuandaa ukiwa nyumbani kwa mahitaji yanayopatikana kwa urahisi. Picha| Canva.

Baada ya kula na kushiba pilau na biriani la sikukuuu unaweza kutumia kinywaji hiki kizuri ambacho ni chanzo kikubwa cha vitamini C.

Kinywaji hiki pia kuchangamsha mwili na kumpa mnywaji hamasa ya kuendelea kula huku ikirahisisha mchakato wa mmeng’enyo wa chakula

Ili kuandaa kinywaji hiki utahitaji, limao, majani ya nana, soda ya sprite pamoja na barafu kwa ajili ya kuongeza ubaridi,

Mvinyo wa machungwa

Hutoa ladha maridhawa ya matunda na husaidia kuongeza uchangamfu kwa mtumiaji. Picha / Wine International Association.

Kwa waliozoea kutumia machungwa kama tunda au kama juisi ya kawaida wanaweza wasiamini kuwa tunda hilo linaweza kutengeneza mvinyo, wenye uwezo wa kuwaburudisha wanywaji siku ya sikukuu.

Mvinyo huu hutengenezwa kwa mchanganyiko wa sukari, juisi ya machungwa, hamira, malimao, majani ya chai pamoja na maji kulingana na kiasi cha watu utakaokuwa nao.

Kinywaji hiki pia kina kileo hivyo hakifai kutumiwa na watoto, wazee, wagonjwa hususani wa magonjwa yasiyoambukiza ikiwemo magonjwa ya moyo, kisukari na presha.

‘Cappuccino’ 

Kwa wapenzi wa kahawa bila shaka wanafahamu kinywaji maarufu aina ya ‘cappuccino’ ambacho hutengenzwa kwa kutumia kahawa na maziwa.

Jambo la kufurahisha ni kwamba unaweza kuandaa kinywaji hiki nyumbani hata kama hauna vifaa au mashine ambazo mara nyingi hutumika katika migahawa kuandaa kinywaji hicho.

Kinywaji hiki ni chanzo kizuri cha kafeini kinachoongeza umakini na nguvu ya mwili. Picha / Canva.

Utakachohitaji ili kuandaa kinywaji hiki ni kahawa iliyosagwa (instant coffee) maziwa, sukari pamoja na maji safi.

Juisi / chai ya mchaichai

Mchaichai kama ambavyo lilivyo jina lake, ni kiungo maarufu sana kinachotumiwa kwenye mapishi ya chai. Huifanya chai iwe na harufu nzuri na ladha ya kuvutia.

Mbali na umaarufu wake kiungo hiki kinaweza kukupa muonekano wa ndoto zako. Kikitumiwa vizuri huweza kuondoa kitambi kabisa na kukuacha ukiwa na muonekano wa kuvutia. 

 Husaidia kupunguza mfadhaiko na kuimarisha usingizi mzuri. Picha / Canva.

Hivyo katika msimu huu ukitengeneza chai hii kila mtu atavutiwa kuitumia ukizingatia faida zake.

Ili kutengeneza kinywaji hiki utahitaji mchaichai, limao, tangawizi, asali ama sukari, barafu pamoja na mdalasini.

Kokoa  ya sukari na viungo

Weeee! Unajua utamu wa kinywaji hiki kweli? Kama haujui jaribu leo ujione utamu halisi wa kinywaji hiki.

Hutoa joto mwilini, hupunguza msongo wa mawazo, na ni chanzo kizuri cha nishati. Picha / Canva.

Unaweza kuipika kwa kukoroga nusu kikombe cha maji ya moto, sukari kiasi, unga wa kokoa vijiko 3, hiliki ya unga kiasi, maziwa ya kawada, maziwa mazito pamoja na vanila kisha ukatumia chokoleti kwa kupambia kwa juu na unga wa hiliki.